Transcription
1
Monsieur, jay receu la lettre quil vous a pleu mescrire par votre
2
lacquais, et quant à ce que me mandés quil seroit requis de decouvrir
3plus à la verité du tradiment du cadet de Voguedemar ; [barré : et ] quant à ce, cest
4
une chose plus que trop veritable. Monsieur de Gonas estant allé voir
5
monsieur des Diguières, a fait entendre à monsieur de Varce que pour le
6
seur il y avoyt entreprinse sur le chateau de La Mure prest à
7
executer. Il y a troys jours que messieurs du pays et moy y avons
8
pourveu, tant pour celluy du roy que de madamoyselle de Beaulmont
9
et y avons mys cinquante soldatz, sans y comprendre le cappitaine et son
10
enseigne, que faict le nombre de cinquante deulx. Monsieur du
11
Monestier est allé à La Mure, lequel visitera les chateaux pour y faire
12
pourvoir de tout ce qui sera necessaire. Quant au marchant,
13
je receuz dimenche dernier une lettre de monsieur de
14
Savines, lequel mescrit qion luy demande mil escus de rançon et ung
15
prisonier. Je feiz hier mettre le ministre et Margallier en liberté
16
pour avoyr seignor Tezar et Flory quilz doibvent mettre au monestier
17
de Clermont dune part et daultre. Il y a encor en ceste ville
18
Galeys et Gafontayne prisoniers. Monsieur, sy les huguenaulx senstendent
19
comme ilz font le bruizct, comme verrez par une lettre que jay receu
20
ce matin dudit sieur du Monestier, laquelle je vous envoye, ceulx
21
du compte de Beynez qui sont à Moyrenc et à Tullin ne serons
22
en guière bonne asseurance et quils feront tout ce quilz pourront
23
pour les surprendre. Toutesfois, je vous tiens adverty dheure à
24
autre sy ainsy est que lennemy aproche ceste ville. La cavallerie
25
que à present y est ne pourroyt guière servir car il ne scauroit
26
monter à cheval que douze ou quinze, sy esse que jespère
27
[218 v°] avecq laide de Dieu que noz nous garderons de
28
telle façon quen recepvrez contentement Lesdits ennemys
29
font bruict de passer l’Izère pour leur empecher ; et je
30
feray retiré en ceste ville tous les bateaulx que se porront
31
treuver despuys Montmellian jusques en ceste ville,
32
et dicy jusques à Moyrenc. Et pour ne scavoyr autre
33
pour le present, je finiray ceste par mes humbles et affectionnées
34
recommandations à votre bonne grace et prie le Createur vous donner
35
36
Sur la fin de ceste, jay heu advertissement
37
comme ceulx de Mais ont mandé homme exprès
38
à Clays pour leur preparer logis et vivres
39
pour sept compagnyes. Incontinant jay escript
40
ausdits de Clays quilz nayent à leur rien fourny sur peyne destre bruslés
41
et quilz deplacent les vivres de là en ceste ville en toute dilligence.
42
43
Monsieur en parfaicte santé, heureuse et bien longue vie. De Grenoble, ce
44
XIIIme fevrier 1574.
45
Votre très humble et aubeyssant
46
servyteur La thivolliere
47
48
[219] Ce jourdhuy, Bonvert ma monstré une lettre que vous luy escripvés
49
touchant ung soldal nomé Labarre, lequel ayant passé par ce
50
païs soubz lenseigne du sieur de Montreul conduict par le cappitaine
51
Villedieu, estant la compagnie à Pignerol, luy et une quarantaine
52
desdits soldalz, conduictz par le cappitaine La Forestz se desbandarent
53
dudit Pignerol, se retirarent avecq lez huguenaulx en la val d’Angrogne,
54
puis par voyes indirectes à Feysinières et avecq les trouppes
55de ceulx de Tresves [barré : quont ] ont esté pour surprendre le château
56
de La Motte et despuys la ville d’Embrun, comme est par
57
sa confession, et pour quelque debat et querelle quil heust
58
avecq certains desdits soldalz comme il dict, se retira du costé de deça
59
dont estant asemblé le conseil à mon logis, je scay quil estoit
60
conclud de le faire pendre, mais pour donner exemple aux aultres
61
soldalz, il feust conclud le condamner à avoyr troys coupz
62
destrapade et bany perpetuellement de ce païs, ce qua esté executé.
63
Quant à son cheval, par mon ordonnace il a esté vendu vingt
64florins qui ont estés balhiés à une hotesse qui [barré : les ] a despendu
65
à norrir ledit Labarre et sondit serviteur. Quant à ses armes, le
66
cappitaine Curebource les a remys entre les mains de monsieur de
67
Merieu qui nest en ceste ville.